【Now財經台】據「股神」巴菲特(Warren Buffett)旗下投資旗艦巴郡(Berkshire Hathaway)最新持倉顯示，巴郡上季買入美股Domino’s Pizza約130萬股，總值5.5億美元，消息刺激Domino’s股價喺昨晚(14日)美股收市後延長交易時段大升近8%。依家Domino’s持有喺本港上市嘅達勢股份(01405)約6%，呢個消息帶挈達勢股價今朝(15日)一度升近13%，係咪反映連「股神」都睇好餐飲業前景？
王道資本及家族資產管理執行董事黃敏碩指，民生消費項目做得好自然會吸引到「股神」，因為從價值上選股，唔一定要爆發性增長，亦會由穩定、現金流、業務底子及基本面呢啲因素出發。
Domino’s喺今年10月於場外出售1000萬股達勢，持股量降至6.2%，Michael提醒，今日達勢係借「股神」買入Domino’s嘅消息而大升，若Domino’s喺達勢嘅持股量愈來愈少，又或者內地經濟不似預期，要小心達勢回調幅度可能會較大。
