【Now財經台】截至早上11時止，過去1小時內《彭博》用戶搜尋量最多港股，依次為聯想集團(00992)、國泰航空(00293)、新世界發展(00017)、萬科企業(02202)及吉利汽車(00175)。
截至9月底止，聯想收入按年增長20%，純利則按年增長41%，3大業務包括智能設備，基礎設施方案及方案服務嘅收入都錄得雙位數增長，集團積極發展人工智能(AI)嘅成效有冇喺業績反映？聯想股價今日喺業績後反覆向下，係咪因為畀唔到驚喜市場？
富昌證券聯席董事譚朗蔚認爲，聯想業績理想，唔可以憑股價單日表現去判斷業績好壞，聯想主業係個人電腦(PC)，而新業務亮點包括基礎設施、數據中心及AI硬件等，相信聯想會受惠於轉換AI PC熱潮，而集團業務轉型尚算順暢。
Stevan續指，特朗普(Donald Trump)將再度入主白宮，聯想有機會受中美角力影響，繼而拖累業務發展，雖然短線會受影響，但基本業務有好轉，不過，佢認為現階段唔係吸納嘅好時機，可以等股價升穿10元再做部署。
