【Now財經台】軟件即服務(SaaS)股微盟集團(02013)股價今日(14日)逆市走強，集團採用嘅智能體(AI Agent)技術都有噱頭，專為企業搭建智能團隊，微盟股價升幅11月以來持續跑贏同業，不過，今年累計仍跑輸其他SaaS股，依家市場肯炒，追落後空間有幾大？
艾德金融執行董事陳政深指，微盟有高風險嘅值博空間，如果睇返往績，股價波幅都幾大，但要留意微盟上方有好多｢蟹貨」，股價自去年初7元水平落到1.5元，之後持續喺呢個位徘徊，佢認為，要突破2元關口需要一啲時間，當人工智能(AI)可以幫到公司收入時，股價先會有起色，否則，仍然好難有運行。
Ryan續指，其實微盟上季業績麻麻，雖然公司解釋因為做緊冇咁賺錢嘅業務，需要時間重整業務，但佢認為，市場有冇耐性等微盟慢慢重整業務或等AI收入出現，對公司嚟講絕對係一個考驗。
