【Now財經台】騰訊控股(00700)股價10月至今持續偏軟，今朝(1日)明顯有啲反彈，股價高開後，愈升愈有，逼近10天線，市面上成交活躍嘅CALL輪，大部分明年3月至4月到期，槓桿7倍至8倍，價外幅度就介乎30%至50%，會唔會太遠？
星展香港環球金融市場上市產品策略師鍾宛婷指，近排投資者留意騰訊遠價CALL，相信都係想博高啲槓桿，短炒博反彈為主，港股升唔起部分原因都同騰訊有關，業績前都唔見做回購，股價昨日(10月31日)落返50天線，對投資者嚟講相對值博，北水昨日都有加倉，佢又提醒，如果真係做短線博反彈部署，必須嚴守止蝕。
