【Now財經台】兩隻國際銀行股滙豐控股(00005)及渣打銀行(02888)，已先後派發第3季成績表，放榜後股價都反應正面。未來業務策略方面，滙控計劃再做30億美元回購，估計4個月內完成，符合市場預期，渣打就計劃2024至2026年累計向股東回饋最少80億美元，金額高過之前指引所提及，到底滙控同渣打邊個「錫股東」多啲？兩隻股份又應該點揀好？
元宇證券投資總監林嘉麒指，回饋股東方面，其實滙控及渣打都做得好，但對股價嘅幫助就較難衡量，因為都要睇埋派息。滙控除咗回購亦有派息，渣打每股回報高過滙控，但加埋息率，滙控又比渣打優勝，所以兩隻股份各有賣點。
KK又話，如果投資者只係睇派息次數、派息比率、派息金額等，就可以考慮揀滙控。
