【股市脈搏】老鋪黃金繼續破頂之旅

【Now財經台】老鋪黃金(06181)股價連續5個交易日創收市新高，今日(29日)再破頂，股價今朝高開唔夠1%，午後升幅擴大，一度升逾14%，高見223.4元。

老鋪黃金今年6月上市，上市價40.5元，以現價計，已累升逾4倍，走勢係今年新股之中第2勁，雖然14天RSI升至80嘅超買水平，但仍不斷破頂，上方亦冇蟹貨，加上憧憬內地政策可釋放內地消費力，後市要繼續留意股價可以走得幾遠。