【Now財經台】近期強勢嘅藍籌車股吉利汽車(00175)，股價今日(25日)午後一度升9%。有內媒報道，吉利下周三(30日)將會發布新一代「雷神超級電混技術」，新技術會為公司帶嚟咩優勢？
王道資本及家族資產管理執行董事黃敏碩認為，吉利新技術比同業有更大進步，而市場亦逐漸留意混能車發展，吉利作為傳統車企，本身有相關經驗，所以市場睇好吉利發展混能車。佢又指，若吉利能成功推動混能車，相信未來會令現有車款具正面優勢。
Michael又稱，吉利旗下極氪(Zeekr)及領克(Lynk)銷量一直行先，但搭載混能技術嘅「銀河」就近期後發，今年首9個月銷量按年大升2.5倍，喺三路齊發下，值得留意唔同品牌嘅市場定位同埋市場認受性，亦唔好忽略出口方面嘅表現。
