【Now財經台】車股今朝(22日)有炒作,吉利汽車(00175)附屬公司以1.2億人仔買同系寧波乘用車,吉利上次頂部喺14.24元,吉利CALL行使價15.05元,槓桿3.5倍,係咪可以捕捉埋變價內嗰下爆發力後,就獲利沽出,再換馬16元至17元嘅CALL?
獨立股評人黃偉豪表示,現時距離價內幅度唔算遠,可以博吉利股價突破早前14.24元高位,即14.5元水平,等靠近返行使價先考慮食糊,因為呢款CALL唔係短身,時間值損耗唔明顯,加上吉利估值較平,走勢仍有機會再升,不妨博10月底有機會向上衝再考慮食糊。