【Now財經台】由香港金融管理局主辦嘅國際金融領袖投資峰會，唔經唔覺今年已經係第3屆，呢項金融界盛事將會喺11月舉行，據《彭博》報道，今年峰會將會「轉場」去香港君悅酒店(Grand Hyatt)舉行，場地比過往嘅四季酒店(Four Seasons)更大，估計出席人數將會超過300人。
據報引述嘅議程草案，預期今年與會人士不乏國際金融界猛人，包括美國4大投行高管，摩根士丹利行政總裁Ted Pick、高盛行政總裁David Solomon、花旗行政總裁Jane Fraser及摩根大通總裁Daniel Pinto。報道指，大摩及花旗發言人拒絕置評。
此外，滙豐控股(00005)、渣打集團(02888)行政總裁，以及黑石集團(Black Rock)總裁Jonathan Gray估計都會出席。
