【Now財經台】港交所(00388)股價近日走勢反覆，今早(21日)高開後，走勢飄忽，一度低見312.2元，跌1.5%，但喺20天線有支持，今朝成交活躍嘅CALL價外50%至70%，行使價介乎400至500元，槓桿5倍至6倍。此外，市場上亦有輕微價外嘅CALL，行使價350元，槓桿6倍，但點解咁多資金揀行使價400至500元嘅CALL？投資者有咩要留意？
瑞銀亞洲股票衍生產品銷售部李梓維認為，行使價300至400元嘅港交所CALL，槓桿做到6倍係唯一吸引之處，市場會傾向揀發行商開價較積極嘅條款。如果睇好港交所依家先入場，都希望股價可上望400至500元水平，所以唔會揀咁近嘅行使價。
不過，Alvin建議投資者揀牛證，雖然港交所股價波幅唔大，但近日引伸波幅已急升至同科技股冇分別。
