【H股招股前】順豐向A股小股東「派錢」 幫港IPO谷下Like？

【Now財經台】港交所(00388)上市委員會上個月已經審閱咗順豐控股上市申請，市傳公司今季招股，最少集資10億美元，折合約78億港元。順豐最新公布特別分紅方案，打算喺香港上市前，向A股股東「派錢」。

根據集團方案，A股股東每10股就派現金股息10人仔，據初步估計，今次派錢要用約48億人仔，但計劃仍要等10月29日嘅臨股東大會通過，先可以落實。

此外，順豐公布今年中期分紅比例，每10股派4人仔，估計要用逾19億人仔，相等於公司上半年純利40%。