【Now財經台】摩根士丹利上調騰訊控股(00700)目標價至570元，又重申「股王」係行業首選，主要係睇好集團第3季業績，又估計遊戲收入持續強勁，雖然股價近排升咗唔少，但估值仍然吸引，依家適唔適宜部署騰訊？美國人工智能(AI)晶片「股王」英偉達(Nvidia)指，新晶片Blackwell效能高，可以減低用電量，股價昨晚(8日)衝上3個月高位。港美兩大「股王」應點揀好？
潤淼資產管理董事盧志威指，現階段宜部署騰訊，主要係市場普遍睇好，加上情緒主導市場，只要基本面唔係太差，資金都會流入藍籌，而騰訊就係行業首選。
至於Nvidia，William就話，Nvidia產品有啲似以前嘅iPhone，即係產品搶手，可以保持高毛利，亦唔使擔心銷情，加上Nvidia係依家已成為明星股，當美股向上，Nvidia就會係行業首選股。
