【Now財經台】阿里巴巴(09988)股價今日(7日)走勢反覆，一度跟隨大市倒跌，阿里價外10%嘅CALL輪，槓桿只有4倍，反而距離收回價約20%嘅牛證，槓桿介乎5倍至7倍，係咪揀牛證比較好？
法國巴黎銀行上市衍生產品部林恩指，投資者可以留意阿里牛證，因為阿里升得急，市面上嘅阿里價外CALL唔多，投資者聚焦剩餘嘅價外CALL，部分CALL街貨比例已達100%，市場繼續炒起CALL輪價格，引伸波幅亦較高。
佢又話，上周開始有唔少新CALL輪推出，引伸波幅約40%至50%水平，如果想避免引伸波幅出現波動，可以考慮阿里貼價牛證，槓桿約10倍。
