【Now財經台】阿里巴巴(09988)股價今日(4日)平開後向下，其後掉頭向上，市場上嘅CALL一般價外約20%至30%，較貼價嘅CALL就好短身，約1個月內到期，如果部署好倉博股價再升，牛證會唔會較穩陣？
星展香港環球金融市場上市產品主管周國威指，最近唔少其他大型股份都急升至52周高位，令舊嘅CALL變成價內，但要留意阿里之前餘下嘅價外CALL較短身，約今年12月到期，加上大多係100%街貨，變相會買貴咗上手嘅貨。
佢又指，市場上嘅CALL輪行使價，由140元至新上市嘅198元都有，以阿里現價做價外部署，可以考慮新上市、低街貨量嘅CALL，年期6個月或以上，年底到期、街貨較多嘅CALL就要避開，亦要留意換股比率，輪價1元以上唔一定貴，可能只係換股比率細。
