【Now財經台】阿里巴巴(09988)股價昨日(25日)見咗今年高位，即95元水平，今朝(26日)繼續喺高位徘徊，一度高見95.8元，升近5%，CALL輪槓桿普遍4倍至5倍，但牛證距離收回價10%，槓桿做到7倍至9倍，邊類條款較受投資者歡迎？
滙豐亞太區財富管理香港上市產品銷售經理盧貴良指，依家阿里股價升得唔錯，部分條款如CALL輪，行使價約100元，明年4月到期，槓桿做到6倍，依家較貼價嘅牛證收回價約84元，實際槓桿7倍。佢又話，雖然牛證比CALL輪貼價，但建議投資者可以選擇較熱門嘅CALL輪條款。
