【Now財經台】名創優品(MINISO)(09896)擬斥近63億人仔，收購蝕足3年嘅內地永輝超市近30%股權，消息一出，今日(24日)股價一度急瀉逾39%，險守20元，投資者點睇呢單deal，似乎已用腳投咗票，究竟名創要用60億人仔買一家蝕錢公司？
華盛證券財富管理部董事李偉傑指，名創今次買永輝超市暫時真係睇唔到有任何協同效應，加上名創喺股價今日(24日)急挫前，市值約400億人仔，絕對有能力直接開多個品牌，唔需要用60幾億人仔買一家蝕緊錢嘅公司。
Jason補充，雖然名創睇到永輝一啲市場睇唔到嘅潛力，又或者想透過公司喺內地嘅實力，同埋海外拓展能力，帶永輝「出海」。
但佢提醒，永輝喺騰訊控股(00700)入股後仍然賺唔到錢，所以依家牌面上睇，用60幾億人仔買一家蝕錢公司，的確唔係一單好划算嘅交易，亦係今日急瀉後唔識彈嘅原因。
