【Now財經台】本港多家銀行下調最優惠利率(Prime Rate，P)0.25厘，有按揭顧問認為，對樓市買家心理上有提振作用，以每100萬元貸款額計，每月供款減少約140元。
聯儲局相隔4年半再度宣布減息，減幅高達0.5厘，本港各大銀行亦相繼下調用作計算樓按貸款的最優惠利率。
本港3大發鈔行滙豐銀行、中銀香港(02388)及渣打銀行，分別下調最優惠利率0.25厘，其中，滙豐及中銀最新的最優惠利率為5.625厘，渣打則為5.875厘。
雖然港美減息幅度不一，但已即時減輕供樓人士負擔。
以1個樓價800萬元的物業為例，做九成按揭，貸款720萬元計，供款30年，以最新實質按揭利率3.875厘計，每月供樓開支約減少1040元。
星之谷按揭轉介行政總裁莊錦輝說:「香港加息較美國滯後，美國減息0.5厘，本港減0.25厘都算合理，並高於我們預期，可能銀行想釋出一個訊號，就是他們願意配合以減息刺激經濟。我覺得心理上有提振作用，雖然減樓按息，供款未必減少很多，每100萬供少逾100元，但心理上始終有正面影響。」
不過，業主看法可能未必一樣。
放盤業主陳小姐說:「如果減息之後多啲人嚟睇，如果啱可以減少少，10幾20萬冇所謂，但我都唔睇好減息會有好大幫助，(如果唔係好大幫助，係咪應該減多啲？)但我又唔會減咁多，因為我觀望。」
中原地產資深區域營業董事趙鴻運說:「業主方面，之前議價空間相對較大，只要有張票出示到畀業主睇，我哋叫『見票開眼』，可能業主減幅可以相對頗大，但我哋啱啱再同業主傾，佢哋都話都要睇睇，因為啱啱先開始減(息)。」
地產代理又指，除減息可帶來置業誘因，買家看到交投回升、樓價回穩，都可以加強他們的入市信心，亦有助增加供樓人士的換樓意欲。
