【Now財經台】截至早上11時止，1小時內《彭博》用戶搜尋量最多港股，依次為中國海洋石油(00883)、中國恒大(03333)、中國石油股份(00857)、龍湖集團(00960)及中國神華(01088)。
油價近期顯著下跌，全球油股都要跟跌，中石油今日(11日)除淨，除0.24元息，但都係要跌，明日(12日)就輪到中海油除淨，等唔等埋除淨日先？
資深證券分析師彭偉新指，油股要睇油價短期嘅跌勢幾時完，依家市場普遍認為油價仍未止瀉，紐約期油及倫敦布蘭特期油相繼跌穿每桶70美元，市場可能趁機「踩多腳」，加上全球經濟疲弱，油價再向下嘅機會較大，如果買咗油股想收息而等除淨，好可能會賺息蝕價，因為今日(11日)油股嘅跌幅都唔細，唔建議等埋除淨。
