【Now財經台】澳洲傳媒大亨梅鐸(Rupert Murdoch)旗下嘅新聞集團(News Corp)，計劃收購英國網上物業代理公司，喺當地市佔率高達80%嘅Rightmove。此外，近期較多港人留意應該係長江基建集團(01038)到當地第二上市，點睇整體英國股市？
東亞銀行首席投資策略師李振豪指，對英國股市睇法較悲觀，雖然依家類似破頂，但見唔到經濟可以支持股市繼續升，而英國嘅金融、經濟及生產亦冇乜突破點，各方面都支持唔到現時已創5年新高嘅估值，反映股市只係熱錢流動，佢又認為，英國經濟唔好，再加上英倫銀行減息，喺股市及樓市高企下，反而係一個危機。
