【Now財經台】蘋果公司(Apple Inc.)將會喺本港時間周二(10日)凌晨1點舉行發布會，估計將會發布iPhone 16系列，但昨日(2日)內地網上突然流傳iPhone 16可能唔支援微信(Wechat)嘅消息，可能同Wechat嘅小程序會連結應用程式以外嘅支付系統有關。此外，對手華為(Huawei)突然宣布同日開發布會。兩單消息同步傳出係唔係巧合，還是國產品牌聯手造勢？
高富金融集團投資總監梁偉民指，內地市場始終對Apple好重要，加上近期iPhone銷售有下跌跡象，如果再失去內地市場，不論對Apple銷售及Wechat都有好大影響，所以暫時嚟睇iPhone 16用唔到Wechat嘅機會好微。
Wyman又指，相信兩單消息同時傳出只係巧合，因為騰訊控股(00700)冇必要幫華為造勢，始終兩家公司有互惠互利關係。此外，近年華為國內銷售持續上升，已對Apple構成威脅，之前亦要減價谷銷售，未來要留意華為嘅銷售情況會唔會影響Apple前景。
