【Now財經台】國家市場監管局總局日前宣布，阿里巴巴(09988)已完成3年整改，大行指，雖然阿里掃除監管壓力，但宏觀經濟仍然疲弱，阿里股價今日(2日)回落，一度失守80元關口，阿里係今朝好倉資金流入最多嘅個股，雖然好友上周先行食糊，但5日合計，仍有逾5400萬元資金坐貨，依家算係有利好消息，多唔多投資者入場博好倉？條款又應該點揀？
瑞銀亞洲股票衍生產品銷售部李梓維指，市場近期憧憬阿里雙重主要上市及納入港股通，即使阿里股價近日由高位回落，但一直有資金流入，股價今朝繼續喺80元水平徘徊，好倉資金繼續加倉。
至於揀牛證還是CALL輪，佢就話，如果憧憬正式納入港股通，會導致引伸波幅回調，而牛證嘅選擇會較多，如果揀CALL輪就要揀較長身。槓桿都有唔同，行使價75元嘅牛證，槓桿有10倍，長身CALL槓桿只有5至6倍。
