【Now財經台】截至早上10時45分止，1小時內《彭博》搜尋量最多港股，依次為農夫山泉(09633)、安踏體育(02020)、華潤置地(01109)、商湯(00020)及紫金礦業(02899)。
農夫山泉昨日(27日)出完業績後，股價今日(28日)急挫，一度大跌近13%，創新低，雖然業績交到貨，但股價今日沽壓沉重，到底衰乜嘢？
資深證券分析師彭偉新指，雖然農夫山泉中期業績唔錯，但毛利率要跌，反映喺競爭對手用減價策略吸引消費者時，農夫山泉反而想加價，或會適得其反，拖累盈利及毛利率進一步下跌。
佢又話，依家整個內需行業都面對好大挑戰，雖然集團控制成本能力高，但最主要都係要吸引消費者購買自家產品，現時股價呈下跌趨勢兼未企得穩，相信喺消費環境欠佳下，內需行業競爭仍然激烈。
