【槓桿致勝】做阿里入港股通部署宜揀牛仔

【Now財經台】阿里巴巴(09988)喺聯交所雙重主要上市今日(28日)生效，市場憧憬阿里好快就會納入港股通，到時北水就可以買貨，阿里股價今早(28日)反覆向下，但如果想做憧憬納入港股通嘅睇好部署，應該揀咩條款比較合適？

瑞銀亞洲股票衍生產品銷售部李梓維指，如果想炒作阿里入港股通嘅消息，可以考慮收回價74至75元嘅牛證，槓桿可以去到12倍。佢又建議，如果想做較長線部署，就可以揀返CALL輪，行使價98元水平，年期可以揀較長身，但槓桿只得6倍。