【唔老黎？】鍾睒睒做返中國首富 農夫山泉股價又冧

【Now財經台】作風低調嘅農夫山泉(09633)董事長鍾睒睒，之前罕有接受央視財經頻道訪問時指，做中國首富「讓我失去自由」，其後佢畀拼多多創辦人黃崢奪去中國首富寶座，不過，黃崢個首富位「未坐暖」，就因拼多多股價喺業績後暴瀉，令佢由中國富豪榜第1位跌至第4位，鍾睒睒就重奪中國首富寶座。

雖然農夫山泉(09633)昨日(27日)交咗一份都唔錯嘅業績，但股價今朝(28日)顯著受壓，一度低見26.3元，重挫近13%，其後跌幅輕微收窄。睇嚟首富寶座似乎真係有啲「唔老黎」。