【Now財經台】截至早上11時止，過去1小時內《彭博》用戶搜尋量最多港股，農夫山泉(09633)、中國石油化工股份(00386)、安踏體育(02020)、龍湖集團(00960)及萬科企業(02202)。
農夫山泉明日(27日)就會出上半年業績，創辦人鍾晱晱3月捲入網絡攻擊風波，據報當時公司銷量急跌90%，觸發減價戰，相信呢份業績都唔會好，不過，股價今年已累跌32%，現股反映晒負面因素未？
富昌證券聯席董事譚朗蔚指，內地消費市道不景，好多飲品食品企業增長唔算高，加上競爭大，所以減價會直接削弱毛利，飲品本身毛利已經唔高，再進一步收縮就好致命。
Stevan又認為，受零售消費市道拖累，飲品板塊唔算吸引，佢坦言，唔睇好農夫山泉業績及中長線表現，所以唔建議偷步喺業績前做部署。他又提醒，若股價跌穿29元水平，有機會進一步向下。
