【Now財經台】京東集團(09618)股價今日(26日)偏軟，喺10天線水平爭持，早前，由於業績造好曾短暫反彈，但其後因沃爾瑪(Walmart)清倉事件，導致股價呢兩日出現調整，多唔多投資者趁股價回調入場博反彈？睇好嘅投資者有冇改變策略？
法國巴黎銀行上市衍生產品部林恩指，上周三(21日)清倉事件後，京東股價插水，吸引唔少資金部署好倉，隨著股價反彈，上周有資金獲利離場。此外，因為阿里巴巴(09988)快將完成雙重主上市，令市場對其他在港第2上市嘅股份有雙重主上市憧憬，若想部署好倉，可以考慮行使價120元嘅CALL輪，年底到期，槓桿約7倍，淡友就比較謹慎，揀收回價130元至150元，槓桿僅約4倍。
