【股市脈搏】《黑神話:悟空》開售或帶挈B站

【Now財經台】今日(20日)對內地遊戲業界及玩家來講，肯定係大日子，因為國產遊戲《黑神話:悟空》正式開售，雖然內地股市今日向下，但遊戲板塊逆市升。

不過，港股遊戲相關股就唔太興奮，其中，騰訊控股(00700)，雖然有份投資及直接持股，但《黑神話:悟空》佔騰訊整體遊戲收入佔比唔大，未必對股價有太大幫助。至於直播網站嗶哩嗶哩(B站)(09626)，股價今日只係微升，但可以留意未來可能受遊戲帶動網站上線人數以及股價。