【Now財經台】騰訊控股(00700)今日(14日)收市後派成績表，股價業績前向下，同系騰訊音樂(01698)昨日(13日)已經出咗業績，由於市場憂慮公司前景，拖累股價今日一度瀉逾22%，同樣由騰訊持有嘅閱文集團(00772)出完績後，股價連續兩日受壓，今日就輪到騰訊，到底呢份業績有邊部分要特別留意？
元宇證券投資總監林嘉麒指，騰訊收入及純利增長未必係重點，市場主要關注點包括騰訊遊戲業務復甦動力，尤其可以跟大熱手遊《絕地求生》相提並論嘅新手遊《地下城與勇士》，係咪比到投資者好大憧憬，因為近年好多科技股，包括騰訊，都係靠「慳」令純利可以高過市場預期，如果騰訊業績可以見到有實質增長，相信會比騰訊音樂及閱文更有賣點。
