【Now財經台】截至早上11時止，1小時內《彭博》全球用戶關注度上升最多首5隻港股，依次為銀河娛樂(00027)、佳兆業集團(01638)、永利澳門(01128)、美團(03690)、瑞安房地產(00272)。
澳門政府決定將非法貨幣兌換活動刑事化，刺激賭股上周五(9日)彈一彈，但今日(12日)又跌過，今日上榜呢兩隻都表現較弱，雖然賭股陸續出業績、派息，其中，但銀娛再跌至逾7年半低位，永利亦見逾年半低位，澳門擬立法打擊「換錢黨」，影響真係咁大？
富昌證券聯席董事譚朗蔚指，過去幾年，澳門博彩業持續規範化，可能令賭客賭博意欲細咗，今次計劃立法會壓抑埋注碼，雖然月初賭收已恢復得七七八八，但只係低位反彈，已經今時唔同往日。不過，相比收緊政策，內地經濟疲弱及人仔貶值嘅影響更大，消費降級令賭博意欲大減，呢個因素甚至會影響賭股前景。
