【Now財經台】滙豐控股(00005)將於今日(31日)公布業績，績前股價有得升，一度升逾1%，高見68元，突破50天線，業績前投資者嘅部署有咩特點？
星展香港環球金融市場上市產品策略師鍾宛婷表示，近期滙控股價喺65元至70元窄幅上落，處於一個整固格局，不過，昨日(30日)渣打集團(02888)公布嘅業績為市場帶嚟驚喜，並宣布開展新一輪，規模歷來最大嘅15億美元股份回購計劃，帶挈滙控股價造好。
佢又話，滙控今日出業績，市場估計，中期稅前利潤將會倒退，不過，外界較關注派息及回購會唔會再加碼，近日較多資金部署好倉，如果投資者想博業績，可以揀短身CALL，價外4%至5%，行使價約71元，9月中到期，實際槓桿做到25倍。若等業績後做部署，可以留意中長身CALL，行使價約78元，2025年2月到期，實際槓桿12倍。
