【Now財經台】阿里巴巴(09988)是今朝(29日)升幅較顯著嘅藍籌，一度高見76.7元，升近5%，集團預期，8月完成雙重上市後有望納入港股通，如果想提前做部署，用CALL定牛證比較好？
中信里昂股權衍生品銷售經理李佳原指，阿里的確有呢個憧憬，股價可以話逆市獨強，而且成交都唔錯，市場除咗炒入港股通憧憬外，淘寶改革亦受市場歡迎，近期偷步炒好倉資金唔算多，不論CALL輪、牛證及期權未平倉合約，資金未有好大動作，若阿里股價下個月真係有機會上衝，例如升至80元或以上，引伸波幅係值得期待，如果做呢類部署，CALL輪行使價約100元，明年第1季到期，呢類CALL都值得留意。
