【Now財經台】內地擬安排3000億人仔超長期特別國債，支持大規模設備更新及消費品「以舊換新」，而焦點就落喺家電身上，購買二級及以上能效或水效家電可獲15%補貼，一級及以上能效或水效產品再獲額外5%補貼，即合共20%，今日家電相關股升得幾靚，其中，海爾智家(06690)及海信家電(00921)大升6%，呢輪國策帶動嘅升勢可以持續幾耐？
華盛證券財富管理部董事李偉傑指，中央撐設備更新及消費品「以舊換新」嘅政策，可帶挈相關股份受惠，不過，對消費者來講，折扣愈大就一定愈吸引，現時先要刺激市場熱度，提升消費者對買機、換機嘅意欲，彌補之前嘅政策缺失。
Jason又指，海爾智家可以全面受惠於政策，一定對股價有支持，亦反映市場對政策寄予厚望，加上集團過去盈利平穩向上，表現較同業穩定，相信股價升勢可維持一段時間。
