【Now財經台】騰訊控股(00700)股價7月中以來都跌得幾急，今早(25日)一度跌3.4%，低見351元，跌至逾兩個半月低位，騰訊係資金流入最多嘅個股，5日合計，有逾2300萬元資金坐貨。如果想博反彈，見到成交活躍嘅CALL價外20%至30%，部分行使價超過470元，會唔會太遠？因為股價今年最高只係見過400元。
滙豐亞太區財富管理香港上市產品銷售經理盧貴良就話，騰訊股價過去10日已累跌10%，但已連續4日有投資者持續加倉牛證，收回價擺350元水平較有防守性，實際槓桿做到22倍。
Daniel續指，收回價470元嘅CALL輪比較價外，400元係主要心理關口，揀產品時可能要保守啲，現時成交較活躍嘅CALL，行使價437元，2025年1月到期，實際槓桿9倍。佢又話，如果想做博輕微反彈部署，可以考慮行使價390元嘅CALL，今年12月到期，實際槓桿8倍。
