【Now財經台】網易(09999)股價今朝(24日)顯著反彈，一度升4.3%，高見148.4元，成功突破20天、50天線，如果想追好倉有咩條款較受歡迎？股價今早彈高，好友食糊意欲大唔大？
瑞銀亞洲股票衍生產品銷售部李梓維指，如果睇返即市資金流，較多投資者留意淡倉，可能覺得網易股價短期已升咗唔少，部署淡倉值博率較高。網易股價之前喺137元水平守得好穩，若睇好後市，可以考慮牛證收回價擺137元，但就比較貼價，距離現價僅5%至6%，適合做即市及一至兩日部署，槓桿有10倍，反觀貼價CALL輪槓桿普遍只得6倍至7倍，似乎牛證比較可取。
