【Now財經台】美國原油庫存大減,油價結束3連跌,中國海洋石油(00883)股價喺7月初見過23.9元高位後回調,連跌3日後,今日出現輕微反彈。中海油係較多好倉資金流入嘅個股,5日合計,有逾970萬元資金坐貨,多唔多投資者趁股價回調入場博反彈?
滙豐亞太區財富管理香港上市產品銷售經理盧貴良指,最近中海油股價大跌,昨日(17日)大跌逾7%,主要係內地經濟增長數據差過預期,加上國際油價連跌3日後,昨日出現反彈,大部分投資者都開好倉博反彈,CALL輪行使價可留意24元,10月到期,實際槓桿可以做到12倍。
佢又話,今日較多資金部署牛證博反彈,因為股價昨日大跌,引伸波幅上升2個點子,為免之後引伸波幅下調,建議投資者牛證收回價擺20元這個心理關口,槓桿12倍。