【Now財經台】百度集團(09888)股價近期勁Chok，高位已非常接近100元關口，今朝(15日)熱門CALL都係中長身，其中1款貼價CALL，行使價約103元，距離現價8%，槓桿4倍，另1款就好遠價33%至46%，槓桿6倍，百度今日走勢都唔太靚仔，上周五(12日)收復咗100天及50天線，最新又失守，依家係咪好友入場嘅好時機？
中信里昂股權衍生品銷售經理李佳原指，睇返技術走勢，百度仍未去到關鍵支撐位，若後續消息有得炒，可能會延續升勢，所以好視乎投資者本身嘅投資策略。不過，如果上述兩款CALL嘅條款中，行使價103元嘅條款會更均衡，因為4倍槓桿同6倍高槓桿嘅條款差唔多，但更加貼價，防守力更強，相反，行使價130元以上嘅CALL，係防守力較差嘅高風險選擇。
Sam續指，淡倉呢兩日都觀察到有比平時更活躍嘅資金流，主要睇行使價70元嘅輪證。
