【Now財經台】首次參加上海世界行動通訊展覽會嘅小米集團(01810)，股價今早(27日)係跌幅較大嘅藍籌，失守20天及50天線，如果想部署博反彈，貼價嘅價外CALL，行使價約19元，槓桿做到8倍，但就較短身，約50日就到期，多唔多投資者揀呢類CALL？還是揀返長身啲？
滙豐亞太區財富管理香港上市產品銷售經理盧貴良指，小米喺展覽會上展出新車及新手機，主打小米生態圈，並指已累積8億用戶，不過，小米股價弱勢，吸引投資者估好倉部署，3日合計有600萬元資金流入，條款方面，大部分投資者考慮行使價19元，9月到期嘅CALL，實際槓桿約9倍。
Daniel提醒，要留意價外行使價約24元嘅條款，由於年期較長，12月到期，實際槓桿會較低，由於小米股價向下，都有投資者留意牛證。
