【Now財經台】截至早上11時止，1小時內《彭博》用戶關注度上升最多首5隻港股，依次為中國中藥(00570)、新世界發展(00017)、小米集團(01810)、遠洋集團(03377)、國泰航空(00293)。
今日(28日)上榜嘅國泰，股價變動唔大，提高訪港內地旅客免稅額終於傳來好消息，佢哋去港澳購物嘅免稅額提高至12000人仔，連同原本在入境口岸免稅店額外購物3000人仔免稅商品政策，額度合共15000人仔。國泰可唔可以受惠於新政策？
大華繼顯執行董事梁偉源認為，提高免稅額對國泰冇乜幫助，首先係額度增幅低過預期約30000人仔好多，加上現時內地居民主要透過陸路來港，較少搭飛機。Steven又指，睇返國泰股價走勢，市場似乎對公司仍然睇得唔係太樂觀，運力恢復係一大關注點，若短期內提升唔到，國泰生意始終有限。
