【Now財經台】阿里雲宣布跟材料製造商科思創合作，推動可持續供應鏈方案，阿里巴巴(09988)股價今早(21日)低開1%，跌穿100天線，5日合計，阿里係最多資金流入嘅個股，有1330萬元資金坐貨，不過，阿里股價近期弱勢，如果想博反彈應該點部署？
法興銀行證券上市產品銷售部董事周翰宏指，阿里股價喺65元至75元横行，如果想用牛證做博反彈部署，收回價要放得低啲，可以考慮揀65元水平或以下條款，雖然槓桿唔算特別吸引，但勝在唔會咁易被收回。
CALL輪方面，佢話可以揀返貼價少少，行使價盡量唔好高過85元，如果做中短線部署，可以揀年期較長嘅條款，約明年中到期，行使價約78元至80元，槓桿約4倍，時間值損耗亦唔算大。
