【Now財經台】雖然港股已連跌第3日，但受蘋果公司(Apple Inc.)股價昨晚(11日)大升兼破頂，市值單日進帳2150億美元，創單日最大增幅刺激，在港上市嘅Apple概念股逆炒上，到底Apple嘅AI功能，對手機設備股嘅利好作用大唔大，呢類股份值唔值博？
南華金融集團副總裁莫灝楠指，Apple新增嘅AI功能只可以講係資源上嘅升級，唔係為iPhone帶來革命性改變，所以唔會因為呢個原因推高集團整體銷售，更遑論要帶挈手機設備股。
佢又話，雖然iPhone售價最貴可以去到逾10000元，毛利率介乎60%至70%，但手機設備股如舜宇光學科技(02382)及比亞迪電子(00285)毛利率都偏低，導致現時股價太貴，佢唔建議投資者現價買入。
