【Now財經台】攜程集團(09961)計劃發行13億美元可換優先票據(CB)，股價今早(5日)逆市向下，一度失守400元關口，值得留意係，現時攜程只得窩輪產品，投資者今朝傾向揀CALL輪定PUT輪？
星展香港環球金融市場上市產品策略師鍾宛婷指，攜程窩輪今日(5日)變化唔大，股價今朝跌4%後，跌幅不斷收窄，所以大部分投資者都部署CALL輪博反彈。
Kathrin又話，攜程首季業績好過預期，六一兒童節前後親子出遊定單按年大增80%，要留意CB呢個消息係咪會逐步消化，而端午節假期會唔會帶嚟一個新刺激因素。
佢又指，攜程股價上月見過452.2元高位後，出現整固，短線支持位可留意4月上升裂口，即350元至365.4元，資金今朝流入好倉為主，較多投資者留意行使價400元至500元，9月至10月到期嘅CALL，實際槓桿做到7倍至9倍。
