【Now財經台】截至早上11時止，過去1小時內《彭博》用戶搜尋量最多港股，依次為華虹半導體(01347)、中芯國際(00981)、騰訊控股(00700)、中國石油股份(00857)及萬科企業(02202)。
內地企業訊息平台昨日(27日)指，俗稱「大基金」嘅國家集成電路產業投資基金第3期注資達3440億人仔，晶片股有望受惠，刺激華虹、中芯噚日急升，但中芯升勢今日(28日)已無以為繼，華虹亦只係微升，最新呢輪注資規模係史上最大，明明有利產業升級，但點解晶片股一日就炒完？
富途證券首席分析師譚智樂指，產業升級嘅協同效應唔係短期內可以出現，亦唔會令盈利出現爆發性增長，所以股價今日轉弱係正常，加上近期好多板塊都喺調整浪上跟隨國策爆發，雖然半導體板塊長遠發展樂觀，但短線就冇乜爆發力。
Arnold又建議，有貨嘅投資者中長線仍可以揸住，因為估值唔算太貴，隨著國策長遠發展，佢認為仍有可塑空間，但對短線可唔可以急升就有保留。
