【Now財經台】同程旅行(00780)首季收入按年增長49%至逾38億人仔，符合指引預期，不過，經調整淨溢利僅按年增長近11%，同程股價今日(22日)一度重挫近14%，係表現最差科指成分股。值得留意係，集團之前收購旅行社及度假服務，短短半年已有收入貢獻，效益係咪好理想？
元宇證券基金投資總監林嘉麒指，度假服務及門市都係利潤率偏低嘅業務，內地旅遊開始復甦，除線上用戶錄得增長，線下又有服務配套，議價能力可能會高啲，生意亦會更好。如果將同程利潤率跟同業比較，攜程集團(09961)按季有得升，但同程就要跌，反映同程業績受新併購業務影響較大。
KK又認為，市場似乎對同程睇得過分悲觀，雖然股價短期未必可以回穩，但業務未來可能會出現協同效應，加上國外旅行業務嘅毛利率等因素，都會令同程第2季或往後嘅盈利表現有返啲動力。
