【Now財經台】聯想集團(00992)夥拍微軟(Microsoft)及高通(Qualcomm)推出新人工智能(AI)電腦「Copilot + PC」，搭載高通新型嘅Snapdragon X系列晶片，今次合作係咪凸顯高通喺AI領域嘅實力？點解唔揀另一家晶片龍頭英偉達(Nvidia)？
易方資本助理基金經理王逸研指，微軟喺雲端方面已十分依賴Nvidia 700及B200嘅晶片，所以個人電腦(PC)方面要減少對Nvidia嘅依賴，雖然Nvidia RTX 4090顯示卡性能強，但耗電量非常高，如果微軟想同時推AI PC及Windows on Arm(WoA)，關鍵係功率效率要夠高，先可以贏到蘋果公司(Apple Inc.) 嘅MacBook，如果微軟用Nvidia嘅顯示卡只會得不償失。
Nvidia今晚(22日)會喺美股收市後出季績，係咪最少可以符合，甚至超出市場預期？王逸研認為，短期要留意H20晶片喺內地嘅銷售情況，而2025年及2026年雲業務利潤高唔高亦十分重要。
