【now.com財經】噚日揀咗隻恒指牛(58220)出嚟，hold貨hold到下半場初段時間，見Slow STC(14.3)兩線上到超買位就走人，嗰一趟平均執8格或15.24%。不過噚日喺作戰室大家都係爬下格仔就算，Well，有時我哋成班人圍埋講下貓、講下狗、講下旅行、講下Ad hoc嘢，咁又一日架啦！
今朝見出面個天又係灰灰沉沉，睇新問仲話港鐵(00066)同領展(00823)已經喺黃大仙等多個水浸黑點做好晒去水防洪嘅措拖，咦？唔通又會有一場500年一遇嘅大雨出現？
呢個星期帶遮出街is a must；而久違了開市見紅亦終於再現，今朝開市先跌百零點，推低指數落返去19,471點。而喺小時圖上見，20線當時為19,473點，用2點之差開低於小時圖20線，嗯...一早同作戰室講定淡倉準備，不過唔係開市出，而係等佢朝開chok完之後，確認到方向先至再出。
依家10點8分，黃雨生效，而指數跌幅亦擴大至跌逾300點，挨近19,300點，作戰室淡倉已經先後收工；半注在手等睇19,300點穿唔穿。
既然小時圖都失中軸，淡倉喺呢度開出借小時圖做彿系唔係問題，問題在於小時圖嘅保歷加通道口收窄中，喺依家10點11分見保歷加底線為19,193點，同依家19,275點只係爭82點；擺嚟做目標可以嘅；如果真係咁跌得，先至再 借到去50線嘅19,062點啦。
恒指熊(58510)，收回價19,648點，同現價有約400點距離，為市場上第四貼價熊證，槓桿有約48.36倍好痴線架，因為指數差不多跌夠400點啦，我都驚驚地你睇完之後佢已經跌完添啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
