【Now財經台】截至早上11時止，1小時內《彭博》搜尋量最大首5隻港股，依次為龍湖集團(00960)、碧桂園(02007)、恒基地產(00012)、新秀麗(01910)及雅居樂集團(03383)。
美國昨晚(15日)出咗4月通脹數據，其中，消費物價指數(CPI)升幅收窄之餘，核心CPI升幅更加係3年以來最細，令聯儲局減息機會再度升溫，利好本地地產股，其中，恒地股價更衝上1年高位，一度升逾6%，雖然之前減息預期降溫，但恒地成功突破3月及4月21元至24元嘅橫行區後，股價持續向上，後市係咪可以繼續跑贏同業？
椽盛資本投資總監曾永堅指，美國提前減息機會再升溫，依家市場普遍預期9月開始減息，會對本港樓市有利，尤其係新盤旺市可望持續。
Jasper又指，市場比較關心恒地嘅負債情況，如果集團銷售步伐加快，可以紓緩市場對公司嘅財務憂慮，股價短期走勢仍要睇住美國幾時減息，依家恒地股息率7厘，會吸引資金短期追入。
