【Now財經台】騰訊控股(00700)首季多賺62%，遠勝預期，刺激股價今朝(15日)裂口高開近5%，開市即升至400元，其後一度高見401元，騰訊股價急升，大部分CALL輪變得較貼價，由於騰訊業績靚，股價有機會持續向上，揀較價外嘅CALL博到價有個爆發力會唔會比較好？行使價又應該點擺位？
滙豐亞太區財富管理香港上市產品銷售經理盧貴良指，騰訊現價已升至400元水平，PUT輪過去4日都有加倉，約800萬元，CALL輪過去5日就有1300萬元資金坐緊貨，騰訊股價喺業積後強勢，CALL輪的確有唔少進帳。
不過，Daniel亦提醒投資者，CALL輪條款有機會已經好貼價，好多輪證行使價及收回價已經做緊400元，如果對騰訊股價有信心，可以揀行使價430元嘅CALL輪，實際槓桿13倍。
