【Now財經台】截至早上11時止，1小時內《彭博》用戶關注度上升最多港股，依次為聯想集團(00992)、中遠海控(01919)、碧桂園(02007)、永利澳門(01128)及融創中國(01918)。
聯想股價今早(9日)一度升逾6%，重上10元關口之餘，更突破前頂，升至逾3個月高位。多家大行先後上調聯想評級及目標價，事實上，市場非常睇好集團人工智能(AI)電腦前景，集團近日亦指，發展AI相關業務係首要任務，集團5月23日會出業績，股價走強係咪預示聯想會交到一份靚業績？
椽盛資本投資總監曾永堅認為，聯想股價走強部分原因係市場炒業績憧憬，此外，據IBD報告顯示，上季全球個人電腦(PC)兩年以來首次錄得增長，主要受惠於PC配備AI功能，帶動全球需求增加，預期聯想AI PC銷售表現理想。此外，內地企業加大AI相關投放，市場預期，聯想旗下基礎設施都可以受惠。
不過，佢提醒，中美角力有增無減，尤其科技相關領域，而美國特別關注聯想PC銷售情況，引發市場集團面臨制裁嘅憂慮。
