【Now財經台】市傳吉利汽車(00175)旗下電動車品牌極氪(Zeekr)周五(10日)會喺美國紐交所掛牌，又指極氪公開招股超額認購幾倍，將會提前1日，即係今日(8日)截飛。若以IPO上限價計，極氪市值約51億美元，極氪去年資產淨值逾76億人仔，市帳率(PB)僅約0.34倍，點解估值咁低都吸引到投資者？
富途證券高級策略師譚智樂認為，由於中資股喺美股市場經歷10連升，因此，極氪定價對投資者有一定吸引力。對吉利嚟講，依家最大嘅矛盾位就係賺少咗錢，但公司真正目的係釋放價值，若上市後出現炒風，或者PB上返0.5至0.6倍，就達到吉利嘅目的。佢又話，IPO反應固然關鍵，加上估值判斷，以及極氪係一個有前景嘅品牌，整體而言，極氪上市對吉利有正面作用。
至於吉利股價，譚智樂就話，依家集團市盈率(PE)或PB都偏低，如果想要一個更誇張嘅目標價，就要留意無人駕駛或電動車發展程，仲有…
