【Now財經台】美高梅中國(02282)昨日(2日)開市前出咗一份非常靚仔嘅季績，帶動股價連升兩日，今日(3日)一度高見15.14元，大升近9%，並獲大行上調目標價。此外，集團博彩業務市佔率持續上升，今年首季升至17%，高於去年嘅15%。點解美高梅會係6大牌主中，唯一一家博企中場賭收可以超越2019年水平？
亨達財富管理董事總經理姚浩然指，依家訪澳旅客人數大約相等於2019年72%，賭收就僅約13%，大部分博企收入都少過2019年，唯獨美高梅唔係，主要係美高梅賭枱多咗近三分之一，令2023年度整體除息、稅、折舊及攤銷前盈利(EBITDA)等同2019年117%，冠絕一眾博企，亦令股價表現一枝獨秀。
佢又話，美高梅引入「智能賭枱」係推動業績一股好大動力，除咗成本效益更大，亦可節省人手等成本，加上有部分客人鍾意同電腦對賭，能夠迎合唔同客人需要，業績自然比同業做得更好，但隨著對手亦引入「智能賭枱」，美高梅優勢會愈來愈小。姚浩然認為，美高梅未來增長動力應該係來自新開嘅娛樂場，因為...
